Երեւանում անցկացվեց Լրագրողների համահայկական 9-րդ համաժողովը

Լուսանկարում՝ Լրագրողների 9-րդ համաժողովի մասնակիցները ՀՀ նորանշանակ արտգործնախարար Զոհրաբ Մնացականյանի եւ ՀՀ Սփյուռքի փոխնախարար Բաբկեն Տեր-Գրիգորյանի հետ Լուսանկարը՝ Մոսկվայի «Ժամ» ամսագրի

Մայիսի 30-ից հունիսի 1-ը Երևանում անկցացվեց «Հայոց պետականությունը և հայ լրագրությունը» խորագրով Լրագրողների համահայկական 9-րդ համաժողովը:

Համաժողովի բացմանը Սփյուռքի նախարարի տեղակալ Բաբկեն Տեր Գիրիգորյանը ներկաներին փոխանցեց նախարար Մխիթար Հայրապետյանի ողջույնի խոսքը, որտեղ մասնավորապես ասվում էր. «Սիրով ողջունում եմ ձեզ նոր Հայաստանում և հայտնում եմ իմ խորին երախտիքը ձեր ներկայության և այն աջակցության, այն խանդավառության ու զորակցության համար, որ դուք ցուցաբերեցիք թավշյա հեղափոխության կայացման և սփյուռքյան լրատվամիջոցներում նրա ողջ ընթացքն ու փիլիսոփայությունը պատշաճ ներկայացնելու, լուսաբանելու գործում: Խորհրդանշական էր, որ հենց Հայոց պետականության վերակերտման 100-րդ տարեդարձի նախօրեին սկիզբ առած խաղաղ անհնազանդության շարժումը համազգային դրսևորում ստացավ: Սփյուռքը թև ու թիկունք դարձավ սիրո ու համերաշխության հեղափոխությանը, որը հաղթեց ողջ հայ ժողովրդի միասնական կամքով՝ սկզբնավորելով ազգային զարթոնքի, Հայոց պետականության ամրապնդման, երկրի իմիջը բարձրացնելու նոր փուլ»:

Բացմանը ողջույնի խոսքով հանդես եկան Հայաստանի ժուռնալիստների միության նախագահ Սաթիկ Սեյրանյանը, Լրատվամիջոցների համահայկական ընկերակցության փոխնախագահ Գայանե Առաքելյանը, Լրագրողների համահայկական համաժողովները համակարգող մարմնի նախագահ Շահան Գանտահարյանը:

Համաժողովի աշխատանքները ընթացան 7 թեմատիկ նիստերով:

«Թավշյա հեղափոխության արձագանքները մամուլում» թեմատիկ նիստին ելույթ ունեցան Լիբանանի «Արարատ» օրաթերթի գլխավոր խմբագիր Անի Եփրեմյանը — «Սա Հայաստանն է և վերջ», Քուվեյթից լրագրող, հրապարակախոս Կիրակոս Կույումջյանը -«Խաղաղ յեղափոխութեան ծնունդ նոր Հայաստանը», Չեխիայի «Օրեր» ամսագրի գլխավոր խմբագիր Հակոբ Ասատրյանը — «Թավշյա հեղափոխության չեխական արձագանքները, որոշ հատվածներ էլ գերմանական մամուլից», ՀԲԸՄ ՀԵԸ Լիբանանի մամլո գրասենյակի պատասխանատու Ահարոն Շխրտմյանը — «Թավշյա յեղափոխութեան գաղափարախոսութիւնը եւ սփիւռքը», Իրանի «Արաքս» շաբաթաթերթի գլխավոր խմբագիր Մովսես Քեշիշյանը — «Թավշյա հեղափոխության անդրադարձը միջազգային մամուլում և նրա քաղաքական նշանակությունը», «Հայկական Փի Ար ասոցիացիա» գիտատեղեկատվական ՀԿ նախագահ, ԵՊՀ ժուռնալիստիկայի ֆակուլտետի դոցենտ Աստղիկ Ավետիսյանը — «Թավշյա հեղափոխության» հրապարակայնացման և հանրայնացման գործիքների և տեխնոլոգիաների կիրառման առանձնահատկությունները» և Հունաստանի «Հայաստան» շաբաթաթերթի գլխավոր խմբագիր Դավիթ Այվազյանը — «Թավշյա հեղափոխության անդրադարձը սփյուռքի քաղաքական և հասարակական կյանքում»:

Երկրորդ նիստի թեման էր «Հայաստանի 1-ին Հանրապետության ստեղծումը և հայ լրագրությունը», որտեղ ելույթ ունեցան «Արմենպրես» լրատվական գործակալության գլխավոր խմբագիր Նարինե Նազարյանը — «Առաջին հանրապետության տարեկիցը. անցյալի, ներկայի և ապագայի լրատվամիջոց. Արմենպրես 100», Լիբանանի «Ծաղիկ» ամսագրի գլխավոր խմբագիր Հակոբ Դյունյայանը — «Հայ գրական մամուլը` արիւնաբար մայր երակը Հայոց պետականութեան կերտման, ամրապնդման հոլովոյթին մէջ» և Հունաստանի «Ազատ Օր» օրաթերթի թղթակից Հովսեփ Բարազյանը — «Հայոց պետականութիւնը եւ հայ լրագրութիւնը»:
Երրորդ՝ «Հայ լրագրությունը խորհրդային միության տարիներին» թեմայով նիստին ելույթ ունեցան ԱՄՆ «Պայքար» շաբաթաթերթի գլխավոր խմբագիր Հակոբ Վարդիվառյանը — «Սփյուռքի հայ լրագրությունը խորհրդահայ 71 տարիներին» և «Պայքար» շաբաթաթերթի գործադիր տնօրեն Պայծիկ Գալաջյանը — «Խորհրդահայ մամուլի ազդեցությունը սփյուռքահայի ինքնության կերտման վրա»:

Համաժողովի առաջին օրվա վերջին՝ չորրորդ «Հայաստանի Հանրապետության անկախությունը և հայ լրագրությունը» թեմատիկ նիստին ելույթ ունեցան Լիբանանի «Խոսնակ» ամսագրի գլխավոր խմբագիր Համբիկ Մարտիրոսյանը — «Լրագրութիւնը առինքնող եւ վտանգաւոր ասպարէզ», Ռուսաստանի «ՀայՏեղեկատվաԿենտրոն» տեղեկատվական-վերլուծական կենտրոնի Ռուսաստանում և Աբխազիայում ներկայացուցչության ղեկավար Սաիդա Օհանյանը — «Հայ ժողովրդի և Հայաստանի Հանրապետության նոր օրը»:
Համաժողովի առաջին օրը եզրափակվեց Սփյուռքի և Արցախի լրատվամիջոցների ղեկավարների և ներկայացուցիչների այցելությամբ ՀԲԸՄ հայաստանյան գրասենյակ:

Մայիսի 31-ին ՀՀ սփյուռքի նախարարությունում շարունակվեցին Լրագրողների համահայկական 9-րդ համաժողովի աշխատանքները` ըստ թեմատիկ ուղղությունների:

Հինգերորդ նիստին ելույթ ունեցան Ռուսաստանի «Ժամ» ամսագրի գլխավոր խմբագիր Աննա Գիվարգիզյանը — «Մամուլ և պետականություն. պատմություն, օրինաչափություններ, միտումներ», Կանադայի «Հորիզոն» շաբաթաթերթի գլխավոր խմբագիր Վահագն Գարագաշյանը — «Հայաստանում և Սփյուռքում հայկական մամուլի խնդիրները», Լիբանանի «Զարթոնք» օրաթերթի գլխավոր խմբագիր Սևակ Հակոբյանը — «Դեպի 2050` հայկական մամուլի լեզվական հարցն ու ընթերցողների թիվի նոսրացումը. խնդիրներ և լուծումների առաջարկներ», Արգենտինայի «Նոր դարաշրջան» թերթի գլխավոր խմբագիր Էդուարդո Նեստոր Բալյանը — «Մամուլի դերը և կարևորությունը Թուրքիայի` հայ ժողովրդի դեմ իրականացրած ցեղասպանության ժխտողականության մեջ», Արգենտինայի «Սարդարապատ» շաբաթաթերթի գլխավոր խմբագիր Դիանա Տեր-Կարապետյանը — «Արգենտինահայ մամուլի հիմնախնդիրները», Ռուսաստանի «Միաբան» տեղեկատվական պորտալի ղեկավար Վահան Բաբախանյանը — «Միաբան» նախագիծը: լրագրությունից դեպի արդյունավետություն», Արցախի ժուռնալիստների միության նախագահ Կիմ Գաբրիելյանը «Արցախյան մամուլ. հին և նոր խնդիրներ» և ՀԲԸՄ Հայաստանի տնօրեն Դալար Կազանջյանը — «Հայաստանի բարեփոխումներն ու լրատվամիջոցների դերը սփյուռքի ներգրավման գործում:

Համաժողովի «ՀՀ սփյուռքի նախարարության առաջնահերթությունները» խորագրով 6-րդ նիստին, որին, որպես նիստավար, մասնակցում էր Սփյուռքի նախարարի տեղակալ Բաբկեն Տեր-Գրիգորյանը, ելույթ ունեցավ Իրանի «Արաքս» շաբաթաթերթի գլխավոր խմբագիր Մովսես Քեշիշյանը — «ՀՀ սփյուռքի նախարարության առաջնահերթությունները, Այո-ն և Ոչ-ը»: Նիստին ներկաները ներկայացրեցին մի շարք առաջարկություններ նախարարության հետագա ծրագրերի վերաբերյալ:
Հունիսի 1-ին համաժողովն ամփոփեց աշխատանքը «Հայաստանի Հանրապետության առջև ծառացած մարտահրավերները և հայ լրագրությունը» թեմատիկ նիստով, որին ելույթ ունեցան Չեխիայի «Օրեր» լրատվական կայքի գլխավոր խմբագիր Աննա Կարապետյանը — «Լրատվական համագործակցության մարտահրավերներ», Ֆրանսիայի «Լուսավոր Ավետիս» լրատվական կայքի թղթակից Տիգրան Փաշաբեզյանը — « Հայկական օրակարգի խնդիրները հայությանն ու Հայաստանին ուղղված ներկայի մարտահրավերների ու սպառնալիքների լույսի ներքո», Ռուսաստանի «Միաբան» տեղեկատվական պորտալի աշխատակից Յուլիա Գյուլոյանը — «Մերձավոր Արևելքում և Արևմտյան Հայաստանում բնակվող հայրենակիցների հետ մշակութային կապեր հաստատելու անհրաժեշտության մասին», Ռուսաստանի «ՀայՏեղեկատվաԿենտրոն» տեղեկատվական-վերլուծական կենտրոնի ղեկավար Արմեն Տեր-Սարգսյանը — «Հայաստանի Հանրապետության, Արցախի, Արեւմտյան Հայաստանի եւ Մերձավոր Արեւելքի եւ Արեւմտյան Հայաստանի հայերի հիմնախնդիրները կարող են լուծվել Հայկական հարցի լուծման միջոցով» և Մայր Աթոռ Ս. Էջմիածնի «Վաչե և Թամար Մանուկյան» մատենադարանի փոխտնօրեն Պապին Մուրադյանը ներկայացրեց Մայր Աթոռի տեղեկատվական կայքերը:
Համաժողովի ավարտին քննարկվեց նաև Լրագրողների համահայկական հաամժողովների հետագա կազմակերպման վերաբերյալ մի շարք հարցեր:

Ամփոփելով համաժողովի աշխատանքները՝ Լրագրողների համահայկական համաժողովները համակարգող մարմնի նախագահ Շահան Գանտահարյանը նշեց, որ համաժողովին մասնակցեցին Հայաստանից, Սփյուռքից և Արցախից 100-ից ավելի լրագրող 14 երկրից, որից 40-ը գլխավոր խմբագիր: Համաժողովին ընդհանուր առմամբ ելույթ ունեցավ 30 հոգի, հարակից ելույթներով և առաջարկներով հանդես եկան 50-ից ավելի մասնակից:

Սփյուռքի նախարարության տեղեկատվության և հեռահաղորդակցության վարչության պետ Վաղինակ Վարդանյանը աշխատանքային խմբի անունից շնորհակալություն հայտնեց համաժողովի աշխատանքներին մասնակցելու համար և նշեց, որ համաժողովը ևս մեկ հանգրվան հանդիսացավ համահայկական միասնական տեղեկատվական հարթակ ստեղծելու ճանապարհին:
Հունիսի 1-ին համաժողովի մասնակիցները հանդիպեցին Կրթության և գիտության նախարար Արայիկ Հարությունյանի հետ: Ողջունելով համաժողովի մասնակիցներին՝ Արայիկ Հարությունյանը նշեց, որ կարևորում է սփյուռքահայ լրագրողների հետ նման ձևաչափով հանդիպումը, քանի որ նրանց շնորհիվ են նաև ուղերձներ փոխանցվում Սփյուռքի հայ համայնքներին: Կրթության և գիտության նախարարն ընդգծեց, որ թավշյա հեղափոխությունից հետո կրթական ոլորտի բարեփոխումներն առաջնային են, և առկա է քաղաքական կամք՝ լուծելու և՛ այժմեական, և՛ ռազմավարական մոտեցում պահանջող խնդիրները: Այնուհետև նա պատասխանել է ներկաներին հարցերին:

Նույն օրը` երեկոյան, համաժողովի մասնակիցները հանդիպեցին Արտաքին գործերի նախարար Զոհրաբ Մնացականյանի հետ: Ողջունելով սփյուռքահայ լրագրողներին՝ նախարար Մնացականյանն ընդգծել է, որ արտերկրի հայ լրատվամիջոցները մեծ ներդրում ունեն Հայրենիք-Սփյուռք կապերի ապրապնդման գործում: Նախարարը շեշտեց նման ձևաչափով հանդիպումների կարևորությունը, որոնք լավ հնարավորություն են ընձեռում արտերկրում բնակվող հայրենակիցներին Հայաստանի արտաքին քաղաքականության մասին տեղեկացնելու առումով: ԱԳՆ ղեկավարը լրագրողներին ներկայացրեց Հայաստանի արտաքին քաղաքականության առաջնահերթությունները՝ նշելով միջազգային օրակարգի խնդիրների վերաբերյալ Հայաստանի մոտեցումները, մանրամասն անդրադարձ կատարեց ղարաբաղյան հիմնախնդրի կարգավորման գործընթացին, ներքաղաքական վերջին զարգացումներին։ Զոհրաբ Մնացականյանը պատասխանեց լրագրողների բազմաթիվ հարցերին, որոնք վերաբերում էին նոր պայմաններում Հայաստանի կողմից վարվող արտաքին քաղաքականությանը:

Մոսկվայի «Ժամ» ամսագրի գլխավոր խմբագիր Աննա Գիվարգիզյանը հյուրընկալվեց Սփյուռքի նախարարությունում

IMG_2112-300x146Հուլիսի 8-ին ՀՀ սփյուռքի նախարար Հրանուշ Հակոբյանն ընդունեց «Հայապահպանության գործում նշանակալի ավանդի համար» 2016թ. ամենամյա մրցանակաբաշխության «ՀՀ և ԼՂՀ անկախությունների 25-ամյակին նվիրված լավագույն հրապարակում» Սփյուռքի լրատվամիջոցների մրցույթի գլխավոր մրցանակին արժանացած Մոսկվայի «Ժամ» ամսագրի գլխավոր խմբագիր Աննա Գիվարգիզյանին:

Ջերմորեն ողջունելով հյուրին՝ նախարարը շնորհավորեց Սփյուռքի լրատվամիջոցների մրցույթում հաղթելու կապակցությամբ և բարձր գնահատեց ազգային ինքնությանը, մշակույթի պահպանմանը, նոր սերնդի ինքնաճանաչողությանն ուղղված ամսագրի ստեղծագործական խմբի և գլխավոր խմբագրի ջանքերը: Հրանուշ Հակոբյանն իր գոհունակությունը հայտնեց կարճ ժամանակահատվածում ամսագիրը  պահանջված, սիրված ու  սպասված դարձնելու համար և հավելեց, որ այն արագ ինտեգրվել է համահայկական տեղեկատվական դաշտին, ունի ինքնատիպ, հետաքրքիր ձեռագիր և հույս հատնեց, որ առաջիկայում «Ժամ»-ը նոր շարքերով, նոր ծրագրերով ավելի կհարստանա:

Աննա Գիվարգիզյանը շնորհակալություն հայտնեց ջերմ ընդունելության համար և նշեց. «2008 թվականից «Ժամ» ամսագիրը նվիրվածությամբ և ջանասիրությամբ կատարում է իր առաքելությունը: Ամսագիրը լույս է տեսնում Մոսկվայում, բայց սփռվում է աշխարհով մեկ: Տասնամյակի շեմին շատ խորհրդանշական, թանկ և ոգևորիչ է այս մրցանակը: Ամսագիրը մեկ մարդու աշխատանք չէ, հետևաբար պարգևը ոչ միայն իմն է, այլև իմ բոլոր գործընկերներինն է, աջակիցներինն ու հատկապես ընթերցողներինը, որոնք ամսագրի գոյության առաջին գրավականն են»

Տեղի ունեցավ Լրագրողների համահայկական համաժողովները համակարգող մարմնի 2017 թվականի անդրանիկ նիստը

f79fc63140Փետրվարի 10-ին Սփյուռքի նախարարությունում նախարար Հրանուշ Հակոբյանի գլխավորությամբ տեղի ունեցավ Լրագրողների համահայկական համաժողովները համակարգող մարմնի 2017 թվականի անդրանիկ նիստը, որին մասնակցեցին «Ազդակ» (Լիբանան) օրաթերթի գլխավոր խմբագիր, Լրագրողների համահայկական համաժողովները համակարգող մարմնի նախագահ Շահան Գանտահարյանը, Հայաստանի ժուռնալիստների միության նախագահ Աստղիկ Գևորգյանը, Լրատվամիջոցների համահայկական ընկերակցության նախագահ Տիգրան Հարությունյանը, ԵՊՀ ժուռնալիստիկայի ֆակուլտետի դեկան Նաղաշ Մարտիրոսյանը, ԵՊՀ ժուռնալիստիկայի ֆակուլտետի դասախոս, Հայկական Փի Ար ասոցիացիա» գիտատեղեկատվական ՀԿ-ի նախագահ Աստղիկ Ավետիսյանը, «Կալիֆոռնիա կուրիեր» թերթի թղթակից Ռուզաննա Ավագյանը:

Նիստին հեռակապով միացել էին «Խոսնակ» (Լիբանան) ամսագրի գլխավոր խմբագիր Համբիկ Մարտիրոսյանը, «Օրեր» (Չեխիա) ամսագրի գլխավոր խմբագիր Հակոբ Ասատրյանը, «Զարթոնք» (Լիբանան) օրաթերթի գլխավոր խմբագիր Սևակ Հակոբյանը, «Հորիզոն» (Կանադա) շաբաթաթերթի գլխավոր խմբագիր Վահագն Գարագաշյանը:

Ողջունելով նիստի մասնակիցներին՝ նախարար Հրանուշ Հակոբյանը կարևորեց սփյուռքի լրագրողների ամենօրյա համակարգված աշխատանքը, միմյանց հետ անընդհատական կապը, գործուն արձագանքը նախարարության նախաձեռնություններին: Նախարարը հատկապես շեշտեց «Դու ինչ ես անում Ղարաբաղի համար» շարժման լայն տարածումը և համազգային արձագանքը: նա մասնավորապես նշեց. «Շնորհակալություն, որ Սփյուռքին ուղղված իմ նամակը տեղադրեցիք, կազմակերպեցիք միջոցառումներ, հարյուրից ավելի տեսահոլովակներ ստացանք, որտեղ հայտնի անհատներն իրենց խոսքն էին հղում Հայոց բանակի կազմավորման 25 ամյակի առթիվ: Այս ամենը մեզ ուժ ու ոգևորություն հաղորդեց, որ 2017 թվականը հռչակենք Արցախի տարի»:

Նախարարն անդրադարձավ նաև Լապշինի արտահանձնման փաստին, առաջարկեց ավելի սերտացնել օտարալեզու լրատվամիջոցնորում աշխատող հայազգի լրագրողների հետ համակարգված աշխատաելու անհրաժեշտությունը:

Լրագրողների համահայկական համաժողովները համակարգող մարմնի նախագահ Շահան Գանտահարյանը նույնպես ողջունեց նիստի մասնակիցներին և նշեց, որ համակարծիք է նախարարի հետ և պետք է երկրորդի նրան, կարևորեց Լրագրողների ութերորդ համաժողովին հնչած կարծիքների և առաջարկների մանրամասն ուսումնասիրությունը:

Օրակարգի երկրորդ՝ «Դու ի՞նչ ես անում Ղարաբաղի համար» շարժման և «2017 թվականը Արցախի տարի» հռչակվելու թեմայի լուսաբանումը սփյուռքյան լրատվամիջոցներում» հարցի վերաբերյալ զեկուցեց ՀՀ սփյուռքի նախարարի տեղակալ Սերժ Սրապիոնյանը:

Քննարկվեցին ընթացիկ հարցեր:

Լրագրողների համահայկական 8-րդ համաժողովի ուղիղ հեռարձակման տեսագրությունը



ԿՐԿԻՆ ԱԶԱՏԱԳՐՈՒԱԾ ՀԱՐԱԶԱՏ ԱՐՑԱԽԻ ԼԵՌՆԱՇԽԱՐՀԻՆ ՄԷՋ

img_9156Սփիւռքի նախարարութեան կազմակերպած մամուլի խորհրդաժողովը երկու օրով փոխադրուեցաւ Արցախ: Լսեցինք Հանրապետութեան նախագահը, ծանօթացանք նախարարներու: Անցանք գեղակերտ եւ աչքի խտիղ պատճառող Ստեփանակերտի փողոցներով, քաղաք՝ որ կը նմանի լեռներու գագաթին դրուած թանկագին քարի:

Գացինք մինչեւ Աղտամ, կանգ առինք Տիգրանակերտ՝ ուր պատմութիւնը կը խօսի քարերու լեզուով, տեսանք հայկական բանակի զօրքերը, երիտասարդներ եւ երէցներ, որոնք մեր փոխարէն հայրենատիրութիւն կ’ընեն, իրենց համար հայրենի հողը, լեռը, դաշտը, քաղաքը, զբօսաշրջիկի լուսանկար չեն, ոչ ալ տօնական օրերու ճառերու նիւթ: Continue reading

Լրագրողներու համահայկական 8-րդ համաժողովի մասնակիցները ամփոփեցին համաժողովի արդիւնքները (Տեսագրութիւն)

Հոկտեմբեր 26-ին ժամը 12.30-ին  «Նոյյան Տապան» Լրատուկան գործակալութե մամուլի սրահին մէջ տեղի ունեցաւ Լրագրողներու համահայկական 8-րդ համաժողովի մասնակիցներուն ասուլիսը։

Թեման՝ «Լրագրողներու համահայկական 8-րդ համաժողովը Երևանի եւ Արցախի մէջ . արդիւնքներու ամփոփում եւ յետագայ անելիքներ»։
Բանախօսներն են.
Տիգրան Հարությունյան — «Լրագրողներու համահայկական ընկերակցութեան» նախագահ
Շահան Գանտահարեան — «Լրագրողներու համահայկական ընկերակցութեան» համակարգող մարմինի անդամ, Լիբանանի «Ազդակ» օրաթերթի գլխաւոր խմբագիր
Շաքէ Մանկասարեան -Արաբական Միացեալ Էմիրութիււններ —  հայկական «Ռատիո Այգի» հիմնադիր եւ հաղորդավար
Համբիկ Մարտիրոսեան — Լիբանանի «Խօսնակ» ամսագիրի գլխագոր խմբագիր
Աննա Կապապետյան — Չեխիայի «Օրեր» լրատուական կայքի խմբագիր
Ասուլիսին լուսանկարները այստեղ
https://www.youtube.com/watch?v=Ekq7EKiwS_8

Լրատուամիջոցներու համահայկական ընկերակցութիւնը սկսած է իր ծրագիրին թարմացման աշխատանքները

Յարգելի գործընկերներ

Լրատումիջոցներու համահայկական ընկերակցութիւնը սկսած է իր ծրագիրին  թարմացման աշխատանքները։ Մեր առաջին ծրագիրը գրուած է 2006 թ․-ին՝ տասը տարի առաջ։ Այս ընթացքին շատ իրողութիւններ փոխուած են, ուստի ընկերակցութեան վարչութիւնը կը խնդրէ  բոլոր Ընկերակցութեան անդամ կազմակերպութիւններուն ներկայացնել առաջարկութիւններ նոր ծրագիր ընդունելու համար։

Ընկերակցութեան անդամ չհանդիսացող լրատուական կազմակերպութիւններուն կը ցանկանանք տեղեկացնել, որ ընկերակցութիւնը բաց է բոլոր ցանկացողներուն համար։

Անդամագրուելու եւ այլ հարցերով մեզ կարող եք գրել aama@nt.am հացէով։

Լրատվամիջոցների համահայկական ընկերակցությունը սկսել է իր ծրագրի թարմացման աշխատանքները

logo-aama1Հարգելի գործընկերներ

Լրատվամիջոցների համահայկական ընկերակցությունը սկսել է իր ծրագրի թարմացման աշխատանքները։ Մեր առաջին ծրագիրը գրվել է 2006 թ․-ին՝ տասը տարի առաջ։ Այս ընթացքում շատ իրողություններ են փոխվել, ուստի ընկերակցության վարչությունը խնդրում է բոլոր Ընկերակցության անդամ կազմակերպություններին ներկայացնել առաջարկություններ նոր ծրագիր ընդունելու համար։

Ընկերակցության անդամ չհանդիսացող լրատվական կազմակերպություններին ցանկանում ենք տեղեկացնել, որ ընկերակցությունը բաց է բոլոր ցանկացողների համար։

Անդամագրվելու եւ այլ հարցերով մեզ կարող եք գրել aama@nt.am հացեով։

 

Լրագրողների համահայկական 8-րդ համաժողովը

72016 թ․ հոկտեմբերի 20-ին Երևանում մեկանարկեց Լրագրողների 8-րդ համահայկական համաժողովը, որը կրում է «Հայոց պետականությունը` միասնության առանցք» խորագիրը: Այն կազմակերպել էր ՀՀ Սփյուռքի նախարարությունը Լրագրողների համահայկական համաժողովները համակարգող խորհրդի և Լրատվամիջոցների համահայկական ընկերակցության, Հայաստանի ժուռնալիստների միության հետ համատեղ:

Հայաստանի և Լեռնային Ղարաբաղի հանրապետությունների անկախության 25-ամյակին նվիրված համաժողովին այս տարի մասնակցում էին 140 լրագրողներ` աշխարհի 31 երկրներից:

Երկօրյա համաժողովի բացման խոսքով հանդես եկավ ՀՀ Սփյուռքի նախարար Հրանուշ Հակոբյանը: Նրա փոխանցմամբ` համաժողովի նպատակը համահայկական տեղեկատվական դաշտի ընդլայնումն ու կատարելագործումն է, լրատվական ներուժի համախմբումը և արդյունավետ կիրառումը Հայաստանի զարգացման, ՀՀ միջազգային վարկանիշի բարձրացման, Սփյուռքում հայապահպանության, համահայկական հիմնախնդիրների լուծման գործընթացում: «Երկու տարին մեկ անգամ անցկացվող այս համաժողովը գնալով ընդլայնում է իր աշխարհագրությունը և մասնակիցների թիվը: Այս համաժողովի կարևորագույն առանձնահատկություններից է 65 խմբագրությունների ղեկավարներ են մասնակցում մեր աշխատանքներին, երկրորդ առանձնահատկությունն այն է, որ ռադիոժամերի, հեռուստաժամերի և էլեկտրոնային մամուլի ներկայացուցիչները ևս մեծաթիվ են»,- ասաց նա` հավելելով, որ «Հայոց պետականությունը` միասնության առանցք» խորագրով փորձում են համահայկական ցանցն առավել ընդլայնել ու մեծացնել:

Հ. Հակոբյանը ընթերցեց նաև ՀՀ նախագահ Սերժ Սարգսյանի ուղերձը և Ն.Ս.Օ.Տ.Տ Ամենայն հայոց կաթողիկոս Գարեգին Բ-ի օհնության խոսքը:

Լրագրողների համահայկական 8-րդ համաժողովի ընթացքում քննարկվեցին են ՀՀ պետականաշինության գործում Սփյուռքի ներուժի ներգրավման, ճգնաժամային պայմաններում համահայկական տեղեկատվական միասնական ցանցի ձևավորման կառուցակարգերի ու լրատվամիջոցների համագործակցության ուղիների, հեռանկարների, տեղեկատվական անվտանգության հետ կապված խնդիրները և այլ հարցեր:

Առաջին նիստի ընթացքում զկույցներով հանդես եկան «Նոյյան Տապան» մեդիա հոլդինգի տնօրեն Տիգրան Հայաստանը, Չեխիայում գործող «Օրեր» ամսագրի թղթակից Աննա Կարապետյանը, «Արմենպրեսս» լրատվական գործակալության տնօրեն Արամ Անանյանը:

Մինչ երկրորդ նիստի մեկնարկը, 4-րդ իշխանության ներկայացուցիչներին ընդունեց ՀՀ արտաքին գործերի նախարար Էդուրադ Նալբանդյանը:

ՀՀ դիվանագիտական ներկայացուցչությունների և սփյուռքյան կառույցների համագործակցության ուղիներին անդրադարձան երկրորդ նիստի զեկուցավարները: Վերջիններիս թվում էին «Իսրայելահայեր» թերթի գլխավոր խմբագիր Արտյոմ Չերնամորյանը, Ռուսաստանում գործող «Հայկական տեղեկատվական կենտրոն» կայքի թղթակից Սաիդա Օհանյանը, Լիբանանում գործունեություն ծավալող լրագրող-հրապարակախոս Հակոբ Բալյան, «Հայկական Փի Ար ասոցիացիա» գիտատեղեկատվական ՀԿ նախագահ Աստղիկ Ավետիսյանը:

Նիստի ավարտին սփյուռքահայ լրագրողների հետ հանդիպեց նաև ՀՀ վարչապետ Կարեն Կարապետյանը:
Լրագրողների համահայկական 8-րդ համաժողովն իր աշխատանքային երկրորդ օրն սկսեց մասնակիցների` Ծիծեռնակաբերդի հուշահամալիր և Եռաբլուր կատարած այցելությունից: քննարկելու են Սփյուռքի ներուժի ներգրավման հարցը ՀՀ պետականաշինության գործում:

Զեկույցներով հանդես եկան Կանադայում գործող «Հորիզոն» շաբաթաթերթի գլխավոր խմբագիր Վահագն Գարագաշյանը, Ռուսաստանում` «Ժամ» ամսագրի գլխավոր խմբագիր Աննա Գիվարգիզյանը, Իրանում` «Համայնք» լրատվական ցանցի պատասխանատու Ռուբիկ Սարդարյանը, Լիբանանում` «Ազդակ» օրաթերթի թղթակից Տոնիկ Տոնապետյանը, Ֆրանսիայում` «Լուսավոր Ավետիս» կայքի թղթակից Տիգրան Փաշաբեզյանը, «Հունաստանում` «Նոր Աշխարհ» թերթի խմբագիր Զավեն Գրիգորյանը:

Բանախոսներն իրենց զեկույցներում անդրադարձան «Սփյուռքի ուծացման և ձուլման հոլովոյթը», «Հայկական պարբերական մամուլի դերը օտար միջավայրում ազգային և մշակութային արժեքների պահպանման գործում», «Պետություն հասկացողությունը, սփյուռքի պոտենցիալ ուժի օգտագործման հնարավորությունը և առաջարկներ այդ ներուժի օգտագործման մեխանիզմների կապակցությամբ», «Սփյուռքի ներուժի ներգրավումը ՀՀ պետականաշինության գործում», «Հայաստան-Սփյուռք-Արցախ` 25-ամյա համագործակցության համագումարները հետագա անելիքները` Մերձավոր Արևելքում և հարակից տարածաշրջանում առկա մարտահրավերների պայմաններում», «Հայաստանի և Արցախի անկախության 25-րդ տարեդարձի առթիվ. Հայրենի հող, Հայրենիքը և Պետականությունը» թեմաներին:

Համաժողովի 3-րդ նիստն ամփոփվեց արտակարգ իրավիճակներում տեղեկատվական անվտանգության խնդիրներին նվիրված ինտերակտիվ քննարկմամբ, որին մասնակցում էին փորձագետներ Արման Սաղաթելյանը, Սամվել Մարտիրոսյանը, Կարեն Վրթանեսյանը, Միքայել Յալանուզյանը և Անժելա Էլիբեկովնան:

Լրագրողների համայակական երկօրյա համաժողովը հոկտեմբերի 23-24-ն իր աշխատանքները շարունակեց նաև Արցախում:

Սփյուռքահայ և տեղական լրավտամիջոցների խմբագիրներն Արցախ ժամանելիս առաջինը հանդիպեցին ԼՂՀ նախագահ Բակո Սահակյանի հետ:
Հանդիպման ընթացքում լրագրողները հնարավորություն ունեցան իրենց հուզող բոլոր հարցերը կապված տեղեկատվական ոլորտի, ադրբեջանա-ղարաբաղյան հակամարտության կարգավորման, ԼՂՀ ներքին եւ արտաքին քաղաքականության հետ ուղղել Բ. Սահակյանին:

Հոկտեմբերի 24-ին Ստեփանակերտում անցկացվող համաժողովի 5-րդ նիստի ընթացքում մասնակիցներն անդրադարձան Հայկական սփյուռքի զորակցությանը Լեռնային Ղարաբաղի Հանրապետության միջազգային ճանաչման գործընթացում:

Քննարկեցին նաև Հայաստանի և Արցախի հանրապետությունների պաշտպանության համակարգի հետ կապված խնդիրների լուսաբանումը ԶԼՄ-ներում։ Զեկույցներով հանդես եկան ԱՄՆ-ն ներկայացնող լրագրող Արմեն Հարեյանը, «Արցախպրեսս» լրատվական գործակալության տնօրեն Վահրամ Պողոսյանը, Լիբանանում գործող «Խոսնակ» ամսագրի գլխավոր խմբագիր Համբիկ Մարտիրոսյանը:
Համաժողովի փակումից և արդյունքների ամփոփումից հետո սփյուռքահայ լրագրողները բացառիկ հնարավորություն ունեցան լինել առաջին գծում, տեսնել զինվորների առօրյան, շփվել նրանց հետ և անցկացնել հարցազրույցներ: Այնուհետև նրանք Տիգրանակերտում հանդիպեցին ԼՂՀ Պաշտպանության բանակի հրամանատար Լևոն Մնացականյանի հետ, իսկ երեկոյան մասնակցեցին ԼՂՀ նախագահի կողմից տրված հանդիսավոր ընթրիքին:
Հայաստան վերադառնալուն պես սփյուռքահայ լրատվամիջոցների ներկայացուցիչները հանդիպել են ՀՀ նախագահ Սերժ Սարգսյանի հետ։ Ողջույնի խոսքից հետո, նախագահն առաջարկել է հանդիպումն անցկացնել հարցուպատասխանի ձևաչափով, որպեսզի հնարավորություն ունենա պատասխանել լրագրողներին հետաքրքրող բոլոր հարցերին:

Վերջիններիս հետաքրքրել են ԼՂ հիմնախնդրի բանակցային գործընթացում հայկական կողմի մոտեցումներն ու դիրքորոշումը, ՀՀ նոր Սահմանադրությամբ Հայաստանում իրականացվելիք բարեփոխումները, Հայաստան-սփյուռք կապերի ամրապնդման և առկա ներուժի, այդ թվում՝ լրագրողական համայնքի ներուժի լիարժեք օգտագործման հնարավորությունները, Հայաստանի տնտեսության մեջ օտարերկրյա ներդրումների ներգրավման ուղղությամբ իրականցվող պետական քաղաքականությունը և մի շարք այլ հարցեր:

Տիգրան Փաշաբեզյան․ Հայաստան — Արցախ — Սփյուռք` 25-ամյա համագործակցության հանրագումարները եւ հետագա անելիքները՝ Մերձավոր Արեւելքում եւ հարակից տարածաշրջանում առկա մարտահրավերների պայմաններում

6Հայաստան — Արցախ — Սփյուռք` 25-ամյա համագործակցությունը բավական լուրջ հաջողություններ է արձանագրել ՀՀ պետականության ամրապնդման, Արցախի հայության ազատ ապրելու եւ ինքնորոշման իրավունքի պաշտպանության, Արցախի ու ՀՀ-ի անվտանգության ու պաշտպանության բաղադրիչի բարձրացման, ՀՀ-ի ու Արցախի տնտեսության, կրթության, առոզջապահության, մշակույթի ոլորտներում կատարված կարեւոր ներդրումների եւ աջակցության, ՀՀ-ի ու Արցախի ենթակառուցվածնքների վերականգման ու զարգացման, ներքին սոցիալական ճնշման թուլացման եւ այլ ոլորտներում, որոնք նույնիսկ այս պահին դժվար է ամբողջությամբ թվարկել: Անհրաժեշտ է միայն շնորհակալություն հայտնել այս ուղղությամբ ջանք թափած ու հաջողություններ արձանագրած անհատներին, աջակիցներին, հովանավորներին, խմբերին եւ ազգային-պետական կառույցներին: Continue reading