Category: Նորություններ

Երկու տասնյակից ավելի խմբագիրներ ու լրատվամիջոցների սեփականատերեր հանդիպել են. Լրատվամիջոցների ղեկավարների հայտարարությունը

Մարտի 2-ին տեղի ունեցավ հայաստանյան մի շարք լրատվամիջոցների՝ երկու տասնյակից ավելի խմբագիրների ու սեփականատերերի հանդիպումը, որի նպատակը ոլորտում ծառացած խնդիրների շուրջ քննարկումն էր, միասնական մոտեցում ձև ակերպելը։
Քննարկման ժամանակ անդրադարձ կատարվեց, մասնավորապես, «Զանգվածային լրատվության միջոցների մասին» ՀՀ օրենքում փոփոխություններ ու լրացումներ կատարելու անհրաժեշտությանը, առանձին խնդիրների։ Ձևավորվեց աշխատանքային խումբ, որը, ոլորտի մասնագետների ու իրավաբանների հետ միասին՝ կմշակի ու առաջարկությունների փաթեթ կներկայացնի պատկան մարմիններին։
Continue reading

Անհրաժեշտ է ընդառաջ քայլեր կատարել մամուլի ազատությունը երաշխավորելու համար. Սասնա ծռեր

Ներկայիս պայմաններում, երբ ազատ մամուլը դեռևս կայացած չէ և ունի պետական աջակցության կարիք, Բուզանդի 1/3 ու Իսահակյան 28 հասցեներում և Մամուլի շենքում գտնվող մի շարք լրատվամիջոցների զբաղեցրած տարածքների օգտագործման պայմաններն ու չափանիշները վերանայելու և, դրա հետևանքով՝ անհատույց օգտագործման փոխարեն վարձավճարների աճման միտումով վարձակալությամբ տրամադրելու վերաբերյալ պետության մոտեցումը խիստ մտահոգիչ է:

Ուստի ներկայիս ժողովրդավարական իշխանության առաջնային խնդիր է՝ ընդառաջ գնալ մամուլին և, հրաժարվելով առևտրային տրամաբանությամբ նրանից շահույթ կորզելու մոտեցումից, համակարգային քայլեր ձեռնարկել մամուլի ազատությունն ապահովելու ուղղությամբ: Continue reading

«Նոր իշխանությունների ճիշտ քայլերից մեկը կլինի մամուլի միջոցներին պետության կողմից հասցված վնասների փոխհատուցումը․ Տիգրան Հարությունյան

Իսահակյան 28 հասցեում և Մամուլի շենքում գտնվող մի շարք լրատվամիջոցների ղեկավարներ այսօր հրավիրվել են Պետական գույքի կառավարման կոմիտե՝ քննարկելու լրատվամիջոցների տարածքների հետ կապված խնդիրները։ ԶԼՄ-ների ներկայացուցիչներին ընդունել են կոմիտեի նախագահ Նարեկ Բաբայանն ու նրա տեղակալները։

«Որևէ կոնկրետ պայմանավորվածություն՝ որպես այդպիսին, չկա։ Ուղղակի ասացին, որ հանդիպումից շատ ինֆորմացիա ստացան, որը պետք է ուսումնասիրեն և շարունակեն քննարկումները։ Նաև ասացին, որ ԶԼՄ-ներին իրենց տարածքներից հանելու խնդիր ի սկզբանե դրված չի եղել, պարզապես ուզում են վերանայել պայմաններն ու չափորոշիչները»,- Անկախ-ի հետ զրույցում ասաց«Նոյյան տապան» լրատվական-վերլուծական կենտրոնի հիմնադիր-տնօրեն, Լրատվամիջոցների համահայկական ընկերակցության նախագահ, փ․գ․թ․ Տիգրան Հարությունյանը։ Հանդիպման ընթացքում կոմիտեի ղեկավարն առաջարկել է, օրինակ, որևս երկու-երեք տարի ԶԼՄ-ները շարունակեն աշխատել նույն պայմաններով, որից հետո կամաց-կամաց վարձավճարները կբարձրանան։ Continue reading

Ես իրենց խոստանում եմ՝ այս ամեն ինչը շատ հեշտ չի մարսվելու. Բյուզանդի 1/3 շենքում գտնվող մի շարք լրատվականներ քաղաքապետարանի որոշումը կվիճարկեն դատարանում

«Ես իրենց խոստանում եմ՝ այս ամեն ինչը շատ հեշտ չի մարսվելու»,- այսօր լրագրողների հետ հանդիպման ժամանակ հայտարարեց «Հայելի» մամուլի ակումբի ղեկավար Անժելա Թովմասյանը՝ դիմելով Երևանի քաղաքապետարանին ու քաղաքապետին:

Նշենք, որ Երևանի քաղաքապետ Հայկ Մարությանի կողմից Բյուզանդի 1/3 շենքում գտնվող մի շարք
լրատվական խմբագրություններ ծանուցումներ են ուղարկվել այն մասին, որ պետք է հինգ օրում ազատեն Երևանի քաղաքապետարանին պատկանող այդ տարածքը:

Ըստ Անժելա Թովմասյանի, երբ ստացել են այդ տարածքները, պայմանը հետևյալն է եղել, որ իրենք՝ այսինքն տարածքը զբաղեցնողները որոշակի գումար են ներդնում, վերանորոգում դրանք և երկու տարի անհատույց տնօրինում: Continue reading

Այնպես չէ, որ Հայկ Մարությանն ավելի շատ է հոգում այս քաղաքի մասին, քան մենք. «Հրապարակ» օրաթերթի խմբագիր

Այնպես չէ, որ Հայկ Մարությանն ավելի շատ է հոգում այս քաղաքի մասին, քան մենք:

Այս մասին փետրվարի 27-ին լրագրողների հետ հանդիպման ժամանակ նկատեց «Հրապարակ» օրաթերթի գլխավոր խմբագիր Արմինե Օհանյանը՝ անդրադառնալով Երևանի քաղաքապետ Հայկ Մարությանի կողմից Բյուզանդի 1/3 շենքում գտնվող մի շարք լրատվական խմբագրություններին ուղարկված ծանուցումներին այռ այն, որ պետք է հինգ օրում ազատեն Երևանի քաղաքապետարանին պատկանող տարածքը:
Ըստ նրա՝ քաղաքապետարանից ուղարկված ծանուցման մեջ որպես նպատակ նշված է «հանրային գույքն արդյունավետ օգտագործելու նպատակով» ձևակերպումը, մինչդեռ միշտ չէ, որ օգտակարությունն ու արդյունավետությունը կարելի է արտահայտել միայն դրամով: Continue reading

ԶԼՄ-ներին անհատույց տրամադրած տարածքներից ազատելու իրավաչափության վերաբերյալ Արման Թաթոյանը պարզաբանումներ է պահանջել պետական մարմիններից

This image has an empty alt attribute; its file name is 4ab9f2b8a1.jpgՄարդու իրավունքների պաշտպանի աշխատակազմում սեփական նախաձեռնությամբ քննարկման ընթացակարգ է սկսվել Երևանում գործող լրատվամիջոցներին պետության կողմից անհատույց տրամադրված տարածքներից ազատելու իրավաչափության առնչությամբ՝ հաշվի առնելով, որ հարցն առնչվում է լրատվամիջոցների գործունեությանը:
ԶԼՄ-ներում հրապարակվել են տեղեկություններ այն մասին, որ Երևանի քաղաքապետի որոշմամբ Երևան քաղաքի Բուզանդի 1/3 հասցեի շենքում գործող լրատվամիջոցները ստացել են ծանուցում անհատույց օգտագործման իրավունքով զբաղեցրած տարածքներն
անհիմն ազատելու վերաբերյալ։
Նույնաբովանդակ գրություններ են ստացել նաև Երեւանի Արշակունյաց 2 և Իսահակյան 28 հասցեներում գործող լրատվամիջոցները Տնտեսական զարգացման և ներդրումների նախարարությանը ենթակա պետական գույքի կառավարման կոմիտեից։ Continue reading

Հայաստանի զանգվածային լրատվամիջոցների նախազգուշական գործադուլի մասին պատմող տեսանյութ 1997 թ․

ԶԼՄ-ներին ուզում են զրկե՞լ անհատույց տարածքից. «Հրապարակ»

This image has an empty alt attribute; its file name is ec26c27f22-1.jpg«Հրապարակ». Պետական գույքի կոմիտեում որոշել են փոփոխություններ կատարել կառավարության 2011թ․ որոշման մեջ։ Ըստ այդմ էլ՝ ծանուցագրեր են ուղարկել Երեւանի Իսահակյան 28 հասցեի շենքում եւ Մամուլի շենքում տեղակայված այն ԶԼՄ-ներին, որոնց հետ կնքված պայմանագրի ժամկետն ավարտվել է կամ ավարտվելու է։
Մամուլում արդեն եղել է հրապարակում այն մասին, որ «Արմինֆո» լրատվական գործակալությունը երկու օր առաջ է նամակ ստացել ՊԳԿ-ից, որ մեկ ամսից պետք է լքի Իսահակյան 28 հասցեում զբաղեցրած իր տարածքը։
Պետական գույքի կոմիտեից մեզ պարզաբանեցին, որ Իսահակյան 28 հասցեում եւ Մամուլի շենքում գտնվող լրատվամիջոցների տարածքներն իրենց ենթակայության ներքո են, եւ անհատույց տարածքներ հատկացնելու մասին որոշումը պետք է ենթարկվի փոփոխության։ Continue reading

Փոփոխվելու է ԶԼՄ-ներին տարածքներ հատկացնելու կարգը․ Հետք

«Արմինֆո» լրատվական գործակալությունը երկու օր առաջ նամակ է ստացել պետական գույքի կառավարման կոմիտեից, որ մեկ ամսից պետք է լքի Իսահակյան 28 շենքում զբաղեցրած իր տարածքը: Լրատվամիջոցին այլ տարածք տեղափոխելու առաջարկ չի արվել, իսկ գործակալությունն այժմ ունի 26 աշխատակից, որոնց այլ տարածք տեղափոխելու որևէ այլընտրանք չունի, — տեղեկացնում է hetq.am-ը:

«Հետք»-ի հետ զրույցում «Արմինֆո» լրատվական գործակալության տնօրեն Էմանուիլ Մկրտչյանն ասաց՝ նամակում նշվել է, որ պետգույքի կառավարման կոմիտեի նախաձեռնությամբ՝ փոփոխություն է կատարելու կառավարության՝ 2011 թվականի որոշման մեջ, որով ԶԼՄ-ներին հնարավորություն է տրվելու անհատույց կարգով պետական որոշ շենքերում տարածք զբաղեցնել՝ վճարելով միայն սպասարկման վարձը: Մկրտչյանի տեղեկացմամբ՝ այդ շենքում չորս սենյակ են զբաղեցնում արդեն 20 տարի և ամսական որպես սպասարկման գումար 100 հազար դրամ վճարում:

«Ուրիշ բան է` եթե իրենք գան, ասեն՝ պետության համար ձեր չորս սենյակը մեզ շատ է անհրաժեշտ, և ձեզ նույն հիմունքների վրա տալիս ենք ինչ -որ տեղ մամուլի շենքում: Խոսեցի պետական գույքի կառավարման կոմիտեի վարչության պետի հետ, չեմ հիշում նրա ազգանունը, ասեցի՝ բա ի՞նչ անենք, գնանք ավտոտնակ վարձե՞նք, ասում է՝ ինչ ուզում եք արեք, գնացեք ավտոտնակ վարձեք: Սա ցինիզմի աստիճան է»,- նշեց Մկրտչյանը:

Գործակալության տնօրենի խոսքով՝ եթե կառավարությունը որոշի փոփոխություն կատարել 2011 թվականի այդ որոշման մեջ, դա արդեն կարտահայտի իշխանության վերաբերմունքը չորրորդ իշխանության նկատմամբ: Էմանուիլ Մկրտչյանն ասում է՝ բոլորն էլ գիտեն, որ լրատվամիջոցները երկրի զարգացման գործում շատ մեծ դեր են կատարում, վարչապետ Նիկոլ Փաշինյանը նույնպես այդ մասին խոսել է:

Ըստ Մկրտչյանի՝ «Արմինֆո» լրատվական գործակալությունը դեպի արտերկիր «տեղեկատվություն մատակարարելու գործում մեծ դեր ունի»:

Մկրտչյանը նախկինում խոսակցություններ է լսել, որ նախկին վարչապետ Հովիկ Աբրահամյանը այդ շենքի տեղում «չորս աստղանի» հյուրանոցային համալիր կառուցելու ցանկություն է ունեցել.

«Բայց երբ հեղափոփությունը եղավ, հասկացանք, որ երևի մեզ բոլորիս հանգիստ կթողնեն: Երբեք պարտք չենք ունեցել: Ամեն տարի մենք գնում էինք Հարկային, թուղթ էինք վերցնում, թե որքան աշխատակից է աշխատում մեզ մոտ և որքան եկամտահարկ է վճարում: Այդ թուղթը տանում էինք պետական գույքի կառավարման կոմիտե, որտեղ համոզվում էին, որ մենք լուրջ ԶԼՄ ենք, ոչ 1-2 համակարգիչ ունեցող
լրատվամիջոց, ավտոմատ ձևի երկարացնում էին այդ պայմանագիրը»,- ասաց գործակալության տնօրենը:

Նշենք, որ «Արմինֆո» լրատվական գործակալությունը գործում է 1991 թվականից:

Պետական գույքի կառավարման կոմիտեից հայտնեցին, որ «Արմինֆո» լրատվական գործակալությանը տարածքից չեն վտարելու։

Պարզաբանեցին, որ լրատվամիջոցին անհատույց կարգով տրված տարածքի պայմանագրի ժամկետը ավարտվել է, և նոր պայմանագիր չի կնքվել, քանի որ տվյալ կարգին վերաբերող կառավարության 2011 թվականի որոշման մեջ փոփոխություններ են կատարվելու։

Կոմիտեի հաղորդմամբ՝ նման ծանուցագրեր ուղարկվելու են Իսահակյան 28 հասցեի շենքում և Մամուլի շենքում տեղակայված այն լրատվամիջոցներին, որոնց հետ կնքված պայմանագրի ժամկետը ավարտվել է կամ ավարտվելու է։

Պետական գույքի կառավարման կոմիտեից վստահեցնում են, որ կառավարության տվյալ որոշման մեջ փոփոխություն կատարելիս քննարկումներ են ունենալու այն լրատվամիջոցների հետ, որոնք պետական շենքերում անհատույց կարգով տարածք են զբաղեցնում։

Անթիլիասում կանցկացվի հայ մամուլին նվիրված համահայկական համաժողով

This image has an empty alt attribute; its file name is 2019-Calendar-1-711x1024.jpgՆ.Ս.Օ.Տ.Տ. Արամ Ա. Վեհափառ Հայրապետի հռչակած Հայ Մամուլի տարուան առիթով, Մեծի Տանն Կիլիկիոյ կաթողիկոսութեան կազմակերպութեամբ տեղի պիտի ունենայ Հայ Մամուլի նուիրուած համահայկական համաժողով, 2-4 Յուլիս 2019-ին, Անթիլիասի Մայրավանքին մէջ։

Համաժողովը պիտի ունենայ համահայկական բնոյթ, եւ հետեւաբար համաժողովին պիտի մասնակցին Հայաստանի, Արցախի եւ Սփիւռքի մէջ գործող մամուլի գլխաւոր խմբագիրներ եւ մամուլի գործիչներ։

Համաժողովը պիտի քննարկէ հայկական լրատուադաշտին այսօրուան մարտահրաւէրները, համագործակցութեան ուղիները, արդիական մեթոտները, տեղեկատուական անվտանգութեան խնդիրները, ապատեղակատուութեան յարուցած դժուարութիւնները, ընկերային ցանցերու ունեցած դերը՝ լրատուական աշխարհին վրայ, հայ տպագիր մամուլին այսօրուան տագնապները, հայապահպանման առաքելութեան վերաիմաստաւորումը եւ միջազգային հանրային կարծիքի ձեւաւորման նպաստող գործնական աշխատանքները։ Continue reading